De Bueb

De Bueb frogt: "Papi, wa isch t Hauptstadt vo Indie?"
De Papi seit: "Kei Ahnig"
De Bueb frogt: "Papi, wa isch de längsti Fluss"
De Papi seit: "Kei Ahnig"

De Bueb frogt: "Papi, welles isch de höchsti Berg?"
De Papi seit: "Kei Ahnig"
De Bueb frogt: "Welles isch de grössti See?"
De Papi seit: "Kei Ahnig"

Do seit de Bueb: "Papi, i glaub, i tue di blooge
Säg, nerv ich di mit mine viele Frooge"
Do seit de Papi: "Nei Bueb, frog nur witer
Suss lersch nüüt, nume Froge macht gschiter"

Warum isch s Wort 'Abchürzig' länger als 'Umwäg'?
Und wohi gohts Liecht wennis ablösche tue?
Darf e Linkshänder au Rechtsaawalt werde?
Und wo isch Norde, wenn mer am Nordpol stoht?

Was passiert wemmer mit sechszähni e Creme iiriebt
Wo eim 20 Johr jünger macht?
Wämmer e liechte Schlof het, schont mer denn t Matratze?
Warum hend t Fraue s Muul off, wenns t Auge schminkit?

Wie heisst der einti vo Max und Moritz?
Ned de Max, nei de ander
Gits denn es Jensits nur über mini Liche?
Wirds Internet liechter, wenni öppis abelade?

Wieso heisst es Altersheim noch de Renovierig
Immerno Altersheim?
Warum müend t Fraue au Sackgebühr zahle?
Und warum gits bi de Suchtberotig Raucheregge?

Heisst de Furz, wenns em alls egal isch öppe Schnurz?
Warum isch Wiehnachte immer, wennt Läde zue sind?
Wenn de Pinocchio chrank isch, mues er denn
Zum Holznase-Ohre-Arzt oder zu wem?

Warum heissed t Bewohner vo Uri ned Uriner
Und die vo Tok...
Die vo Tokio Tokidiote?
Heisst denn z Ägypte en Taxifahrer Pharao
Und e Bär mitere wüeschte Schrift Chrizzlibär?

Wennt Rapper rappet und Rockstars rocked
Wa mached denn eigentli Popstars?
Und brucht de Fisch würkli kei Schuppeschampoo?

Werum isch bim Vibratoretest
Befridigend besser als guet?
Gönd Studentinne numme wenns t Täg hend it Mensa?
Isch de König, wenner gstorbe isch e Majestot?

I wetti Puur werde, chani de scho
Am Morge früeh t Sau useloh?
Het de Füürwehrmaa nochem Brand es Burnout?
Sind z Liechtestei würkli alli Fürste dumm?

Het es Hoorwuchsmittel, wo ned funtioniert
Wenigstens en Glatzeboeffekt?
Chunts Postauto schneller weni rüefe
"Chum Bus, Bus, chum Bus"?

Wemmer e Bible würd uf Ebay usschriibe
Chömed denn meh als 10 Gebot?
Eso chömmer ned schaffe do, wenner...

Was mached t Bienli wennt Blüemli ihri Täg hend?
Ghöred Engel zum Geflügel?
Heisst de Polizist im Innedienst Sitting Bull?
Werum gits Pferdeboxe aber ned Schweine-Judo?

Wenn e Frau z lang Cello spielt, gits denn Cellulitis?
Mues ich zu mim Tagebuech ehrlich si?
Chömed echt alli Babys numme blutt uf t Wält
Well t Gebährmueter ned cha lisme?

Säg doch Papi, säg doch Papi
Ich chume nümme drus
So viel Frooge, wer, wie, wo
Seisch, wenni dir uf t Nerve goh