Chatz oder Hund

Mini Fründin het immer e Chatz welle, ich e Hund
De hemmer e Kompromiss gmacht und es Meersäuli chauft, da isch fair, das het nimert vo eus welle
Nei, nei, isch jo klar, oder, wenn mer en Kompromiss macht mit de Fründin, oder, hemmer natürli e Chatz chauft, oder
Und da isch aber scho lang her, die isch uralt gsi jetz und jetz hemmer si müesse beerdige
Aber nid katholisch, oder, well sie isch so eher en Muuslim
Nei, nei, sie isch schwer chrank gsi, oder, zum Glück gits jo jetzt au Exit für Tier, oder, Dognitas
Und de Tierarzt het mer de aaglüüte
Er het gseit: "Ihri Fründin isch mit de Chatz do i de Praxis, ha nur welle frooge, sölli si würkli iischlöfere?"
Hani gseit: "Jo, jo, nu kei Angscht, die Chatz find de Heiwäg"

Es git jo Tier, die hend eso Eigeschafte, wo ned ganz zämmepassed, oder
Also zum Bispiel, wenn en Eintagsfleuge chli gern usschlooft
Ich ha jetz en Kampfhund-Dackel, er kämpft mit sim Übergwicht
Mängsich bindem au so e Frisbee ufe Rugge
Denn tueni paar Frolics verstreue i de Stube und denn chum ich mir vor
Dass ich au sone Staubsuugerroboter mir cha leiste

Es git jo grossi Unterschied zwüsche Hünd und Chatze, oder, wenns zum Bispiel ihri Hüfli mached
Well wenn de Hund gaggelet, oder, de denkt er: "Oh, ich go do chli is Gebüsch dette
Suss gseht mi no öpper"
Aber Chatze s Gegeteil, oder, also Chatze kacket jo ned, wells dringend müend, sondern sie tünds zelebriere
Jo, denn macheds zerst so es Buggeli, oder, de drückets hinde das Würschtli, spiralförmig chunsch voruse
Und wenns de gsetzt isch, oder, de luegets eso umenand, oder, wie wenns Applaus erwartet, oder
Dass ned no anestönd und es Selfie mached, oder, da isch...

Letzti het bi eus i de Nächi e Hühenerstahlt brönnt
T Füührwehr isch cho miteme Grossufgebot
Sind nur drü Hüehnli verbrennt, die restliche 12'000 sind versoffe