Fahrprüefig

I wett gli mol Autofahre
Jetzt hocki mit em Experte im Charre
I glaube, er find mich zimli toll
Aber i ha scho chil t Hose voll

Jo, mer isches nümm zum Lache
I sett doch scho lang es Bisi mache
Sisch bis jetzt alls super glofe
Zum Glück hani vorher drü Stange gsoffe

Die Parklücke, woner wott, isch zimli chli
Nur kei Angscht, die wird bald chli grösser si
Bim Experte tüend sich t Pupille wiite
Keis Wunder, er gseht jetzt t Einbahn mol vonere andere Siite

Brumm, brumm, brumm, brumm, brumm, brumm
So macht's, wenni um en Egge chum

I fahr mit 60 durne 30-Zone
Isch logisch, mer sind jo zwe Persone
Doch es chunt mer plötzli vor
Die Experte hend eifach kei Humor

Plötzlich flüget Tisch und Stüehl umenand
De Experte het gschtunet und luegt gebannt
Do gseht mer, und es cha sich durchus lohne
Wemmer e Abchürzig kennt dur t Fuessgängerzone

De Experte isch glaub e feige Chnoche
Er het sich uf de Hindersitz verchroche
I mach vore witer, wie wenn nüt wär
S git halt Lüüt, die sind sensibel für de hütig Vercher

A de Ample wirds grüen, jetzt gohts los
T Räder quitschet uf de nasse Stross
De Experte luegt mi komisch a
Er isch nur nidisch, dass ich mit em Auto s Männdli mache cha

I ha jo gwüsst, er isch ganz en nette
I gsehn en im Rückspiegel hinde bette
Warum muess echt dä grad jetzt uf t Chnü?
Guet, er wird villicht Moslem sii

Do chömmemer zrug und jede gseht
Dass s Strosseverchersamt e Glastüre het
I fahre dur durre, direkt vor de Schalter
Das isch min Service fürne Maa i sim Alter

Aber do hetter denne zu mir gseit
"Herr Weber, exgüsi, es tuet mer leid
Mit dene Fähler, wo si do mache
Chönt mer guet zäh Lüüt dur t Prüefig loh krache"

Brumm, brumm, brumm, brumm, brumm, brumm
Mängisch laufts halt cheibe chrum

Sid selber Schuld, ihr tumme Narre
Jetzt muess i halt no länger ohni Uswiis fahre