De Lööli mache

Wemmers richtig nimmt, han ich jo mis Hobby zum Bruef gmacht
Und das het en Kolleg vo mir au gmacht, er isch Gynäkolog worde
Nei, ich ha würkli mis Hobby zum Bruef gmacht, ich mach jo jetz eifach so professionell echli de Lööli
Aber da muemer jo zerscht au chönne, oder, de Lööli mache und
Do hilfts eim de halt scho sehr, wemmer scho e Lööli isch

Musig isch eis vo mine grosse Hobby, ich spiele Steel-Drum
Da isch relativ eifach, well muesch eifach e Trummle chlaue
Ich bi aber au e sehr grosse Fan vo de Céline Dion
Mi dunkt die es guets Vorbild, oder, die isch jo als Chind ned schön gsi
Het aber irgendwie bewiese, dass au useme hässliche, chline Entli spöter cha e grosse, hässliche Schwan werde

Aber i bi au en Technikfreak, oder, also ned wie e guete Fründ vo mir, well de isch eso hindenoh, oder
Da isch sehr lang gange bis er gmerkt het, dass da Internet am Suntig gar ned zue het
Ich bi ebe selber au scho chli en Erfinder
So für de Winter hammer a de Schuesole so zwe Salzstreuer montiert und so
Oder ich ha au s Imprägniermittel erfunde für St. Galler Brotwürscht
Damits de Senf gar ned anehmit

Sehr gern goni au go fische, letzti hani also würkli e riese Hecht gfange, also würkli es riese Ding und
Het mer de aber chli t Freud verdorbe, woni gseh ha, dass ufem Wasser no en Abschiedsbrief vo ihm schwimmt
Au Hushalt, oder, mach ich selber, also putze zum Bispiel Fenschter selber
Also da heisst, ich putz es ned und da chammer guet selber mache

Bi de Sternzeiche bin ich jo en Zwilling, durum hani zwe lin...
Jo, drum hani au zwe linki Händ
Und, nei, nei
Nei, ich bi jo zimli e ratilonale Mensch, oder, aber es git au Moment, do bini eher so echli spirituos
Voremne halbe Johr bini no amene Friitig, de 13t bini prompt t Stäge derab gheit, s Bei broche
Und im Spital hani de gmerkt, dass gar ned de 13t, sondern de 17t isch
Hani no vergäbe Pech gha, aber