Häuptling Vignettuu

Hüt woni is Auto ghockt bi, hani so es komisches Grüsch ghört
Do hani gmeint, s seg de Motor kaputt, aber es isch de im Radio Rammstein gloffe
Und jetz heisst jo überall, jetz chieme de die selbstfahrende Auto, oder
Frog ich mi, mit wa ich de söll fahre
Wobi ich glaub, die selbstfahrende Auto werded keis Problem si
Mir sind jo au mit de selbstfahrende Fraue zurechtcho
Also ich het jo lieber selbstlaufendi Joggingschue, oder

Und letzti ischs au sehr lustig gsi uf de Autobahn
Isch plötzli en Indianer z riite cho und het mi aaghalte
Do hani t Schiibe abegloh, de hetter gseit: "Si hend kei Vignette"
Do hani gseit: "Jo, wa goht di da a?", hetter gseit: "Jo, ich bi de Häuptling Vignettuu"

Villicht no en guete Tipp, es git jo viel Autofahrer, wo echli Problem hend mitem Rückwärtsparkiere
En Tipp: Eifach verchert is Auto hocke, denn isch wie vorwärts
Bim Navi zum Bispiel, da findi ebe au super, oder
Det chasch jo jetz au iistelle so zum Bispiel "Autobahn vermeiden", oder "Tunnel vermeiden", oder
Und jetz gits eso es ganz es neus "Zürich vermeiden"